Le Hazard

Aux Dames A pres que la rigueur de Mars A fait veoir mille & mille hazards, Dans l'incertitude des armes Le hazard en fin glorieux De quitter l'effroy des alarmes Est venu paroistre à vos yeux. L'amour des hazards ne s'exante, Souvent quelque fiere tourmente Le faict risquer dans le malheur, Mesmes l'amour iamais n'envoye Ny le plaisir sans la douleur Ny le desplaisir sans la ioye. Ainsi ie reviens de la Cour Pour suivre les loix de l'Amour, En y semant des adventures Les hazards y sont glorieux. Et n'y voit on des sepultures Sinon pour les audacieux. Et qui ne sçait point les traverses, Du soin & des peines diverses, Dont aiman- nous nous travaillons, Et que franc de crainte & d'envie Sans se picquer aux aiguillons Cueille les roses de la vie.

Tourniquet

Mes Dames ce ieu dois vous plaire Il simpatize à vostre humeur, Il fiut avant que d'en rien faire Qu'il soit renversé du ioueur, La table legere & mobille Veut l'esguille droicte en tous temps, Bref la methode est si facile Qu'on en cherit le passetemps.

L'Oublieux

Venez toutes à l'Oublieux Sa marchandise n'est pas chere, Et les Medecins plus fameux En guarissent le mal de mere, Filles donnez vous en carriere Mais essayez pareillement De mon corbillon de devant, Comme celuy de derriere Vous y retrournerez souvent Pourveu que gardiez seulement Qu'il n'enfle vostre pannetiere D'autre matiere que de vent.

Le Crocheteur porte ballets

Hazard sur les ballets, hazard, Porte ballets est mon office, Dames essayez de mon art, Agreable en est l'exercice: Mes Ballets remplis de verdure Mettront vos chambres en tel poinct Qu'il n'y restera point d'ordure, Pourveu que vous n'en ayez point

Le Coupeur de Bourses

Qu'un chacun garde sa pochette, Mon mestier est merveilleux, Argent en main besongne faicte, Mais il est si hazardeux Qu'apres l'avoir belle eschappée, Il arrive que trop souvent Que pour une bourse couppée On me fait servir de pendant.

Le Banquier

Qu'il est dehors, qu'il est dedans, C'est unieu [?] fort plaisant mes Dames Vous y pouvez passer le temps En passant l'ardeur de vos flames, Ie suis grand Maistre en ceste affaire, Et quand ie l'enseigne une fois Ie iure Dieu que ie fais faire Un chef-d'oeuvre au bout de neuf mois.

Le Pescheur

La pesche seroit de grand prix N'estoit qu'il y faut trop attendre, Et souvent un grenaud s'est pris Qu'on pensoit une folle prendre, Quand à la vogue du poison Tous ne me mordent pas l'ameçon, Les prises sont foer casuelles Et maintenant dedans les eaux, On ne pesche que macreaux Et ne peut on voir de pucelles.

Le Vigneron

Bien que ie sois bon Vigneron Qui sçait bien planter à la ligne, Estant pourtant ieune leuron I'aymerois mieux quittant la vigne Mesdames avec vous planter En secret de Diogene En public sans s'espouventer Plantoit un iour dedans Athenes.

Le Couvreur

Dames, pour gaigner vostre amour, Ie suis couvreur de grand courage, Ie couvre ne nuict & de iour, Et si ie couvre à vostre usage, Car ie suis tellement adroict Que lors que la nuict est obscure Ne pouvant couvrir sur le toict Ie couvre soubs la couverture.

Le Chasseur

La Chasse & l'Amour sonr semblables, La Chasse est fille de l'Amour, Les Chasseurs sont tousiours aymables, L'on chasse la nuict & le iour, Mais la Chasse la plus gentille Si fait dans les taillis nouveaux Alors que le Lapin connille Pour se ietter dans les panneaux.

Les Pionniers

Aux Dames Dames vous pourriez trouver pis Que nos pesles bien amanchées, Nous sommes bien fournis de pics Pour besogner à vos tranchées. Sans pionniers on ne peut prendre Ny rempars, ny ville, ny tour, Et d'effect si voulez l'apprendre Nous sommes pionniers d'Amour. Nous sommes si bons à la guerre Pour miner, frapper & trencher, Qu'en fin nous faisons rez de terre La forteresse tresbucher. Tousiours avec la besoche La treuth, le picq, & le hoyau, Nous frapons si bien une approche Que nous renversons le chateau. Nous portons dessus nos eschines Nos ferrements bien retroussez: Car il faut de grosses fassines Pour bien recombler vos effez.

Epigramme

Ie ne suis point celuy qui s'emerveille, De voir les flots mieux que mes advisez Estre de vous (Dames] favorisez: Car chaque chose estime sa pareille.

Comparaison des femmes & de la Lune

Stances La Lune [?] & moiteuse, Et la rougeastre est venteuse, La blanche ayme le temps beau, Dont à bon droict (ce me semble) Tout genre de Dames semble A ce nocturne flambeau. La Dame pasle est pisseusse, Et la rougeastre est vesseuse, La blanche ayme la plaisir, Et toutes comme la Lune Ayment la nuict sombre & brune Pour tracasser à loisir.

L'Arracheur de Dents

Aux Dames Ie tire des dents de la bouche, Mais c'est avec un tel compas, Qu'alors que ie n'y touche pas, Vous ne diriez pas que i'y touche. Je sens mille feux ardents Que pour trop aymer i'endure. Ma belle ie vous le iure En foy d'arracheur de dents. Pour recompenser mon merite Arrachant les dents bien à point, Permettre que ie vous visite Vostre bouche qui n'en a point. Ie sais qu'une dent qu'on crache En sonnant du flageolet, Ou de cent pas ie l'arrache, Avec un arc à ialet. On y viendroit comme à la feste, Et i'en aurois bien plus d'escus, Si ie tirois hors de la teste Les cornes de tous les cocus. Les maux des dents sont des furies Dont ie sçay guarie promptement, Plusieurs dames en sont guaries, Mesme en voyant mon instrument.

Les Batteurs d'Amour

Aux Dames Nous sommes les batteurs d'Amour, Soit que la nuict vienne à son tour, Ou que le beau iour renouvelle, Incessament nous besongnons Et sans que pas un traisne l'aisle, Tant nous sommes bon compagnons. Nous allons de testes & de reins, De pieds, de iambes, & de mains, Ore en avant, ore en arriere, Et frappons en nous demenant De si vigoureuse maniere, Que le grain fort incontinent. Aussi nous avons entre nous De bons fleaux par dessus tous, Ils ont une gloire accomplie, Et sont tellement bien versez, Que plustost l'eefot ne les plie, Que leurs grands bouts sont redressez. Belles nymphes dont les beaux yeux, Esclairent ces champestres lieux Qui bous benissent de louanges, Si vous les iugez moins parfaicts, Prestez nous seulement vos granges, Et vous en verrez les effects.

Mascarades des Scieurs de Bois

Le Premier Scieur de Bois: Ie travaille sans cesse avec un tel effort, A scier des beautez la rigueur endurcie Que l'amour & l'ingrat, si quand ie seray mort Dans le Ciel de Venus il ne loge ma scie. Le Second Scieur de Bois: Personnes voeuz ne reçoit Qui soudain ne m'en remercie: Car tout ce que l'oeil apperçoit N'a rien si doux que la scie. Le Troisiesme Scieur de Bois: Ne mesprisez point mon outil, L'advantage qu'il vous presente, C'est qu'il n'est rien de si subtil A se loger dans une fente. Le Quatriesme Scieur de Bois: Ie ne suis point de ceux dont l'outil mercenaire Sert indifferement à toutes sortes d'arts, Si mes bras à scier s'occupent d'ordinaire, C'est pour les traicts d'amour, & les lances de Mars.