aux Curieux

Ie qui suis la mere feconde Des Dieux, & des beautez du monde, Bien que plus basse en l'univers, Je viens advouer à ma gloire Que vos beautez ont la victoire Sur tous mes ouvrages divers. Ce siecle les autres surmonte, Vos beautez aux autres font honte, Qui n'estoient qu'en ombre iadis, Et chacun qui vous cognoist, Belles, Bien que par moy vous soyez telles, Me faict par vous un paradis. De cette louange estimée, Au bien de vostre renommée, Je fais sortir ces Curieux, Qui sont de vrais Fous en essence, S'ils cherchent d'Amour la naissance En autre lieu que dans vos yeux. Ces Fous par tout à haute game, Voyans quelquefois une Dame Suyvre l'esclat d'un diamant: Ont iugé d'une ame mal faitte; Que dans son essence parfaitte Logeoit tout le bien d'un Amant. Et pour ce qu'un Amant souhaitte Rechercher la vertu secrette Qui fait fleschir une Beauté, A cette recherche cachée Leur ame est si fort attachée, Qu'ils en perdent la liberté. O la folie nompareille, Que l'Amour cause de merveille Dedans l'imagination: Quittez cette entreprise vaine, Ces belles vous monstrent sans peine L'Amour en sa perfection. Belles dont le renom illustre Mer sert d'ornement & de lustre, Celuy qui ne le cognoist pas Est comme un monstre en la nature, Et ne veit iamais qu'en peinture La Beauté, la Grace, l'appas.

Follastrerie AUX DAMES Ces Fous tous blessez de cervelle, Qui cherchent d'une erreur nouvelle L'Amour au dedans d'un rocher, Changeroient bien tost de folie, Si quelqu'une estoit si iolie, Qu'elle se laissast rechercher. autre Follastrerie AUX DAMES O Fous quittez vostre Folie, Dessous la roche d'un beau sein, Si une belle ne s'offence Ie vous estime assez subtils Pour trouver avec vos outils De l'amour la parfaicte essence.

Vers d'un autre Ballet la Folie d'un Messager

AUX DAMES Apres avoir languy long temps, Loin de vos beaux yeux que i'adore Ie m'y suis venu rendre encore Comme au seul bien que ie tretens. Pour vous dire le mal extreme Que i'ay souffert en ce seiour, Sçachant bien qu'il n'est en Amour Si bon messager que soy mesme. Mais pourtant Phillis, ie m'estonne Du changement de vostre esprit, Vous ne me l'avez point escrit, Vous me l'avez dit en personne. Que ie n'estois plus vostre Amant: J'en suis fol de melancholie: Cela fait bien voir clairement Que vous aymez extrémement, N'est rien qu'une extreme folie.